Naija Christian space no gree dull last week o. If you blink small, you fit miss the movement wey God dey do through music, film, activism and good old gospel groove. So sit down, sip your zobo or Lipton or whatever dey your hand, and catch up on all the fire updates you suppose sabi.
🎬 Mount Zion don drop musical wey go shock you: “Under Siege”
View this post on Instagram
Forget anything wey you think say you know about Christian movies.
Because Mount Zion Film Productions just redefine the whole scene with a brand new musical film called Under Siege, and bros, this one na cinema with anointing.
Directed by Damilola Mike-Bamiloye, this film no just carry solid storyline. E also carry fire music, top-tier acting and deep gospel message wey dey enter soul like hot knife inside butter.
The film feature heavyweights like Greatman Takit, Gaise Baba, and Mike Abdul — people wey sabi blend spiritual sauce with creative finesse. People don dey call am “a landmark moment for Christian cinema” and we no go lie, dem no dey cap.
Go watch trailer. Catch cruise. Soak message. Na Kingdom work wey sweet belle.
🎤 Gaise Baba don launch “No Turning Back” Tour. First stop? FUTA
View this post on Instagram
After the viral blow-up of his song “No Turning Back”, our urban gospel general Gaise Baba say he no fit sit down dey look.
So he carry the matter enter tour mode, waka straight go where the real rev vibes dey — Nigerian campuses. First stop? Federal University of Technology Akure (FUTA) last Sunday, June 29.
The turn up was massive at FUTA, and we dey wait for the next one like this!
🌍 Mercy Chinwo Shuts Down Tanzania with Over 50,000 Worshippers
View this post on Instagram
You see that line wey say “go ye into all nations?” Mercy Chinwo carry am serious.
Last Saturday, she light up Dar es Salaam, Tanzania with her Twen’Zetu Kwa Yesu concert, a Spirit-filled gathering wey pull over 50,000 young worshippers from different churches and tribes.
From Overwhelming Victory to Excess Love, Mercy deliver hit after hit, backed by a live band and heavenly backup. The crowd shout, cry, dance, and worship like say angels dey conduct the choir from above.
East Africa catch holy fever that night — and na Nigerian gospel dey light the match. Who say Jesus movement no dey global?
✍🏾 PFN Youth don raise voice for justice: #FreeSundayJackson
View this post on Instagram
While some dey sing, some dey fight for justice — and the Pentecostal Fellowship of Nigeria (Youth Wing) no dey carry last.
Dem don start a serious petition to get Sunday Jackson a presidential pardon. Who be Sunday? Na farmer wey defend himself for one attack wey happen in 2015, but court give am death sentence.
Over 23,000 people don sign the petition already, and e dey gain momentum like crusade altar call. The cry be say make President Tinubu look this matter again. Because even if Nigeria no perfect, mercy still dey sweet pass judgement.
If you never sign, abeg click that link, add your voice. Christianity no be just vibes. E dey fight for the voiceless too.
🎵 Urban Gospel dey drop like rain: Here’s your playlist for the week
Meanwhile, if you dey find fresh gospel tunes wey go ginger your spirit and move your waist, urban gospel artists got you.
Afrobeats + anointing = sound wey go carry you enter God’s presence with style. Make you update your playlist, wear your AirPods, and let the Spirit lead.
See you next week.
