- GO OUTSIDE, TOUCH GRASS!
You no fit make friends for your room o, hope you know? Even if na online friends, you go still need to meet them face to face at one time sha. Leave your house abeg!
- BE YOURSELF, PERSON WEY GO LOVE YOU GO LOVE YOU!
Na when you dey authentic your real friends go fit find you o. The foundation for true and long term friendship na when everybody dey bring their true self to the table, na the only way true love fit thrive be this.
- ALAYE PRAY O!
Pray make you no jam person wey go give you one or two uppercut in the name of friendship. Pray make God connect you to the right people, and make you see correct friends wey go love you well, and you go fit love them back.
- MAKE THE MOVE, SHOOT YOUR SHOT!
If you see person wey you like and you suspect say una go vibe wella, abeg go meet the person o. Toast them, ask them for their contact, and continue the conversation when you reach house. The worst they fit talk na no, abi?
Watch out for part 2!
